വ്രതം

" വിശന്നിട്ടു വയ്യ... കഴിക്കാനെന്തെങ്കിലും ഉണ്ടോ അമ്മേ.."

  അമ്മയുടെ മടിയിലിരുന്നു ഉണ്ണി ചോദിച്ചു..

" അടുക്കളയില്‍ ഉണ്ട് .. നീ വാ.. കഴിക്കാം... "

" ഇതെന്താ എനിക്ക് മാത്രം... അമ്മ കഴിക്കുന്നില്ലേ...? "

  വാഴ ഇലയുടെ ഓരത്ത് കുറച്ചു മാത്രം ഊണ് കണ്ടു ഉണ്ണി ചോദിച്ചു..

" ഇല്ല കുട്ട്യേ.. എനിക്കിന്ന് വ്രതമാണ്.."

" ഇന്നിനി എന്ത് വ്രതം ആണാവോ..? വ്രതം എന്നത് എന്നാണാവോ  പട്ടിണിയുടെ പര്യായം ആയി മാറിയത്..? ഉള്ളില്‍ നിന്നും പൊങ്ങി വന്ന ചോദ്യങ്ങള്‍ ഓരോന്നും..
ഉണ്ണി ഒരല്പം വറ്റ് ചേര്‍ത്ത് ഇറക്കി...