നീ പറഞ്ഞത് പോലെ എന്റെ മനസ്സ്
ഒരു ചില്ല് ജാലകം തന്നെയാണ്..
ആ ജാലകം പതിയെ തുറന്നു വന്നവരും
അക്ഷമയോടെ ഉടച്ചു കയറി വന്നവരും
എനിക്ക് ചുറ്റുമുണ്ട്...
നീ...
ആ ചില്ല് ജാലകതിനുമപ്പുറം നിന്ന്
എന്നിലെ എന്നെ കാണാന്‍ ശ്രമിക്കുന്നു...
പക്ഷെ...
പകല്‍ വെട്ടത്തില്‍ നീ വ്യക്തമായി
കാണുന്ന എന്റെ രാത്രിയുടെ രൂപം
മഞ്ഞു വീണു മറഞ്ഞ ജാലകം വഴി
നിനക്ക് കാണാന്‍ ആവുന്നില്ല...
അവ്യക്തമായ ആ രൂപം നോക്കി
നില്‍ക്കയാണ്‌ ഇന്നും നീ..
ഞാന്‍ എന്തെന്നറിയാതെ..
എന്നുള്ളിലെ നോവുകള്‍
എന്തെന്നറിയാതെ...
പ്രേരണ : Hakeem Cheruppa Mons
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
ഇത് വരെ വന്നതല്ലേ... ഒരു അഭിപ്രായം പറഞ്ഞൂടെ..?